பாடசாலை கல்வி நடவடிக்கைகள் தொடர்பான புதிய அறிவிப்பு


14 January 2026


NEWS ALERT


பாடசாலை கல்வி நடவடிக்கைகள் தொடர்பான புதிய அறிவிப்பு


பாடசாலை கல்வி நடவடிக்கைகள் தொடர்பான புதிய அறிவிப்பு

2026 ஜனவரி 21 ஆம் திகதி முதல் ஆரம்பமாகும் பாடசாலை கல்வி நடவடிக்கைகளை பின்வருமாறு முன்னெடுப்பதற்கு கல்வி அமைச்சு தீர்மானித்துள்ளது. 


2026 ஆம் ஆண்டில் 1 ஆம் தரத்திற்கு நடைமுறைப்படுத்த முன்மொழியப்பட்ட புதிய கல்விச் சீர்திருத்தங்களுக்கு அமைவான பாடத்திட்டத்தின் முறையான கற்றல் செயல்பாடுகள், ஏற்கனவே வழங்கப்பட்ட அறிவுறுத்தல்களின்படி 2026 ஜனவரி 29 அன்று ஆரம்பமாகும் என கல்வி அமைச்சின் செயலாளர் நாலக கலுவெவ தெரிவித்துள்ளார். 


அதேநேரம் 6 ஆம் தரத்திற்காக அறிமுகப்படுத்தப்படவிருந்த புதிய பாடத்திட்டத்தை நடைமுறைப்படுத்துவது 2027 ஆம் ஆண்டு வரை ஒத்திவைக்கப்பட்டுள்ளது. 


2026 ஆம் ஆண்டில் 6 ஆம் தரம் முதல் 13 ஆம் தரம் வரை, தினசரி பாடவேளைகளின் எண்ணிக்கை எட்டாக (08) திருத்தப்பட வேண்டும். 


ஒரு பாடவேளை 40 நிமிடங்கள் கொண்டதாக இருக்க வேண்டும். 


அதற்கமைய, கடந்த காலங்களில் நடைமுறைப்படுத்தப்பட்ட அதே முறையில் கால அட்டவணைகள் தயாரிக்கப்பட வேண்டும் என அறிவுறுத்தப்பட்டுள்ளது. 


6 ஆம் தரத்திற்கு முந்தைய ஆண்டுகளில் நடைமுறைப்படுத்தப்பட்ட அதே பாடத்திட்டமே 2026 ஆம் ஆண்டிலும் நடைமுறைப்படுத்தப்படும். 


கடந்த ஆண்டு மாணவர்கள் பயன்படுத்திய பாடப்புத்தகங்களை முதன்மையாகக் கொண்டு கற்பித்தல் செயல்பாடுகள் முன்னெடுக்கப்பட வேண்டும். 


கடந்த ஆண்டு புத்தகங்களை மாணவர்களிடமிருந்து சேகரித்து, அவற்றை மீண்டும் 6 ஆம் தர மாணவர்களுக்கு விநியோகிப்பது தொடர்பான அறிவுறுத்தல்கள் அனைத்து அதிபர்களுக்கும் வழங்கப்படும். 


தேவையான அளவிற்கு மட்டும் புதிய பாடப்புத்தகங்கள் மிக விரைவில் அச்சிடப்பட்டு விநியோகிக்கப்படும் என தெரிவிக்கப்பட்டுள்ளது. 


புதிய சீர்திருத்தங்கள் தொடர்பான கற்றல் தொகுதிகள் (Module) அடிப்படையிலான முன்னோடித் திட்டம் சில மாகாணங்களில் இந்த ஆண்டு நடைமுறைப்படுத்தப்படும். அது குறித்த விபரங்கள் பின்னர் அறிவிக்கப்படவுள்ளது. 


புதிய கல்விச் சீர்திருத்தங்கள் தொடர்பான ஆசிரியர் பயிற்சிகள் 2026 ஆம் ஆண்டு முழுவதும் தொடர்ச்சியாக முன்னெடுக்கப்படும் என அறிவிக்கப்பட்டுள்ளது. 


அத்துடன் புதிய கல்விச் சீர்திருத்தங்கள் தொடர்பாக இதுவரை தயாரிக்கப்பட்டுள்ள கருத்துருக்கள் மற்றும் பாடத்திட்டக் கட்டமைப்பு ஆகியவை பொதுமக்களின் கலந்துரையாடலுக்காக பகிரங்கப்படுத்தப்படும். 


இது தொடர்பான உத்தியோகபூர்வ சுற்றறிக்கை மிக விரைவில் வெளியிடப்படும் என கல்வி அமைச்சின் செயலாளர் நாலக கலுவெவ தெரிவித்துள்ளார்.

Galhinna news 

Galhinna tv news 

Galhinna view on 



Comments

Post a Comment

Popular posts from this blog

நவீனமயப்படும் கண்டி கண்டியில் நவீன ஒருங்கிணைந்த போக்குவரத்து மையம் 2028-ல் திறக்கப்படவுள்ளது

Image
 நவீனமயப்படும் கண்டி  கண்டியில் நவீன ஒருங்கிணைந்த போக்குவரத்து மையம் 2028-ல் திறக்கப்படவுள்ளது இலங்கையின் மத்திய மாகாணத்தில் உள்ள குட்ஷெட் பேருந்து நிலையம் மற்றும் கண்டி இரயில் நிலையம் ஆகியவற்றை இணைக்கும் நவீன போக்குவரத்து மையத் திட்டம், 2028-ல் திறக்கப்படும் என்று போக்குவரத்து அமைச்சு அறிவித்துள்ளது. பல தசாப்தங்களாக கண்டியில் பிரதான போக்குவரத்து மையங்களாகப் பயன்படுத்தப்பட்டு வரும் இந்த இரண்டு இடங்களும், கடுமையான போக்குவரத்து நெரிசல், பயணிகள் நெரிசல் மற்றும் வசதிகள் பற்றாக்குறை காரணமாக நவீனமயமாக்கப்பட வேண்டிய தேவையில் உள்ளன. இந்தப் பிரச்சினைகளுக்கு ஒரு நீண்டகாலத் தீர்வாக இந்த மாபெரும் அபிவிருத்தித் திட்டம் தொடங்கப்பட்டுள்ளது. இந்தப் புதிய திட்டத்தின் கீழ், பேருந்து நிலையம் மற்றும் இரயில் நிலையம் ஆகியவற்றை ஒரே ஒருங்கிணைந்த போக்குவரத்து மண்டலமாக மேம்படுத்தத் திட்டமிடப்பட்டுள்ளது. இங்கு ஆகாய நடைப்பாலங்கள், நிலத்தடி பாதசாரி சுரங்கப்பாதைகள் மற்றும் பேருந்து மற்றும் இரயில் சேவைகளுக்கு இடையில் எளிதாகத் தொடர்பு கொள்ளக்கூடிய டிஜிட்டல் தகவல் அமைப்புகள் நிறுவப்படவுள்ளன. மேலும், இதில் பல ...
Read more

முச்சக்கர வண்டியில் தலையை வெளியில் காட்டியவாரு பயணித்த முன்பள்ளி சிறுமி டிப்பரில் மோதியதில் உயிரிழப்பு.! Video குறித்த முச்சக்கர வண்டியில் 8 முன்பள்ளி மாணவர்கள் உட்பட ஒரு தாயும் பயணித்த போது இந்த துயர சம்பவம் இடம்பெற்றுள்ளது. முழுமையான விபரங்கள் - 5/

Image
 முச்சக்கர வண்டியில் தலையை வெளியில் காட்டியவாரு பயணித்த முன்பள்ளி சிறுமி டிப்பரில் மோதியதில் உயிரிழப்பு.! Video குறித்த முச்சக்கர வண்டியில் 8 முன்பள்ளி மாணவர்கள் உட்பட ஒரு தாயும் பயணித்த போது இந்த துயர சம்பவம் இடம்பெற்றுள்ளது. முழுமையான விபரங்கள் - https://www.mullaibbc.com/2025/11/25/51465/
Read more

கிரிக்கெட்டின் ஆன்மாவைச் சிதைக்கிறதா ICC?" – கொதித்தெழுந்த அஃப்ரிடி!

Image
 "கிரிக்கெட்டின் ஆன்மாவைச் சிதைக்கிறதா ICC?" – கொதித்தெழுந்த அஃப்ரிடி! "இந்தியாவுக்கு என்றால் ஒரு நீதி, மற்றவர்களுக்கு என்றால் ஒரு நீதியா?" – சர்வதேச கிரிக்கெட் பேரவையின் (ICC) இரட்டை நிலைப்பாட்டைப் பார்த்து பாகிஸ்தான் முன்னாள் கேப்டன் ஷஹித் அஃப்ரிடி கடும் ஆவேசமடைந்துள்ளார். 2025 சாம்பியன்ஸ் கிண்ணத் தொடருக்காக இந்தியா பாகிஸ்தான் வர மறுத்தபோது, அவர்களின் பாதுகாப்பு கவலையை உடனே ஏற்றுக் கொண்ட ICC, பங்களாதேஷ் விவகாரத்தில் மட்டும் பாராமுகமாக இருப்பது ஏன்? என அவர் கேள்வி0 எழுப்பியுள்ளார். "ICC பாலங்களை அமைக்கவில்லை, மாறாக எரித்துக் கொண்டிருக்கிறது. BCCI-க்கு ஒருவிதமாகவும், பிற நாடுகளுக்கு ஒருவிதமாகவும் செயல்படுவது கிரிக்கெட்டிற்குச் செய்யும் துரோகம்!" என அஃப்ரிடி உருக்கமாகத் தெரிவித்துள்ளார். அதிகாரத்திற்கும் பணத்திற்கும் பணிந்து, கிரிக்கெட்டின் சமத்துவத்தை ICC காவு கொடுப்பதாக அஃப்ரிடி முன்வைத்துள்ள இந்தக் குற்றச்சாட்டு தற்போது சமூக வலைதளங்களில் தீயாய் பரவி வருகிறது.
Read more