பாகிஸ்தான் சென்றுள்ள இலங்கை கிரிக்கெட் அணியின் பாதுகாப்பை உறுதிப்படுத்த தேவையான அனைத்து நடவடிக்கைகளும் எடுக்கப்படும்:
பாகிஸ்தான் சென்றுள்ள இலங்கை
கிரிக்கெட் அணியின் பாதுகாப்பை
உறுதிப்படுத்த தேவையான அனைத்து நடவடிக்கைகளும் எடுக்கப்படும்:
-ஜனாதிபதி உறுதி-
############################
கிரிக்கெட் தொடரில் பங்கேற்பதற்காக பாகிஸ்தான் சென்றுள்ள இலங்கை கிரிக்கெட் அணியின் பாதுகாப்பை உறுதி செய்வதற்கு தேவையான அனைத்து நடவடிக்கைகளும் எடுக்கப்படும் என ஜனாதிபதி அனுர குமார திசாநாயக்க உறுதியளித்துள்ளார்.
இது தொடர்பாக ஸ்ரீலங்கா கிரிக்கெடின் தலைவர் மற்றும் இலங்கை கிரிக்கெட் அணியின் தலைமை பயிற்சியாளர் சனத் ஜயசூரிய ஆகியோருடன் ஜனாதிபதி பேச்சு நடத்தியுள்ளார்.
இதன்போது, இலங்கை கிரிக்கெட் அணியின் பாதுகாப்பை உறுதி செய்வதற்கு தேவையான அனைத்து நடவடிக்கைகளும் எடுக்கப்படும் என்றும் ஜனாதிபதி உறுதியளித்துள்ளார்.
அத்துடன், 1996ஆம் ஆண்டு நடைபெற்ற உலகக் கிண்ண கிரிக்கெட் தொடரின் போது, வெடிகுண்டு பயம் காரணமாக சில நாடுகளின் கிரிக்கெட் அணிகள் இலங்கை வர மறுத்தன.
இதன்போது, பாகிஸ்தான் கிரிக்கெட் அணி இலங்கைக்கு விஜயம் செய்து வழங்கிய ஆதரவை நினைவுகூர்ந்த ஜனாதிபதி, இதற்கு நன்றி தெரிவிக்கும் விதமாக இந்தப் போட்டி முடியும் வரை கிரிக்கெட் அணியை நாட்டில் தங்கியிருக்குமாறு அறிவுறுத்தியுள்ளார்.
இதற்கு மேலதிகமாக இலங்கை அணியினர் பாகிஸ்தானின் தங்கியிருக்கும் காலம் வரை அவர்களின் பாதுகாப்பை உறுதி செய்வதற்கு அந்த நாட்டு அரசாங்கத்துடன் இணைந்து சாத்தியமான அனைத்து நடவடிக்கைகளும் எடுக்கப்படும் என்றும் ஜனாதிபதி உறுதியளித்துள்ளமை குறிப்பிடத்தக்கது.
இதேவேளை, பாதுகாப்பு செயலாளர் சம்பத் துய்கொண்டா, பாகிஸ்தான் அரசின் பாதுகாப்புத் துறையுடன் தொடர்புபட்ட உயர் அதிகாரிகளுடன் பேச்சு நடத்தியுள்ளார்.
இலங்கை கிரிக்கெட் அணிக்கு சிறப்பு பாதுகாப்பை வழங்கியுள்ள இதன்போது இணக்கம் காணப்பட்டுள்ளதுடன் இலங்கை கிரிக்கெட் அணியினர் தங்கியிருக்கும் ஹோட்டல்களுக்கும் விசேட பாதுகாப்பு குழுக்களும் அனுப்பப்பட்டுள்ளமை குறிப்பிடத்தக்கது.
பாகிஸ்தானின் இஸ்லாமாபாத் நகரில் நடந்த குண்டுவெடிப்பு சம்பவத்தினை அடுத்து அங்கு கடும் பதற்றம் ஏற்பட்டுள்ளது. இந்த சூழ்நிலையிலேயே இலங்கை, பாகிஸ்தான் மற்றும் சிம்பாப்வே ஆகிய அணிகள் பங்கேற்கும் டி20 முக்கோண கிரிக்கெட் போட்டித் தொடர் பாகிஸ்தானின் ராவல்பிண்டியில் இடம்பெறுகின்றது.
இத்தொடரின் ஒரு போட்டி மட்டுமே இதுவரை நடத்தப்பட்டுள்ளது. குண்டுவெடிப்பு சம்பவத்தினை அடுத்து இலங்கை அணி வீரர் நாடு திரும்பத் தீர்மானித்தனர்.
இந்த நிலையிலேயே ஜனாதிபதி அனுர குமார திசாநாயக்க தலையீடு மேற்கொண்டமை குறிப்பிடத்தக்கது.
Comments
Post a Comment